Top and Best Bitcoin Exchange in India [2022 Update]

Bitcoin kya hai ye to aap ne kahi na kahi se thoda bhut suna hi hoga.. ya ho sakta hai aapne pehle se kuch Bitcoin ya Dusri Cryptocurrency le rakhi ho.

Agar aap Bitcoin me Interested hai or aap janna chahte hai ki India me Bitcoin kaha se kharide ya konsi Website ya App Safe or secure hai Bitcoin ko lene ke liye to aap bilkul sahi website par aaye hai..

Abhi me aapko India Top Bitcoin Exchanges ke ware me batane wala hu jaha se aap aasani se Bitcoin kharid or Bech sakte hai.

Jitne bhi Bitcoin Exchange ke ware me me bata raha hu, sabhi trusted hai or in sabhi ko use karke or unko review karke hi me aap se share kar raha hu.

Wese aap kisi bhi Crypto Exchange ko use kare to uski jimmedari aapki hogi agar aapke sath koi fraud hota hai to. isliye me aapko suggest karuga agar aap New hai Crypto World me to aap mene jin exchanges ki link di hai un par click karke hi account banaye.

Chaliye ab sabhi BTC exchanges website or Apps ke ware me thoda jaan lete hai, jinki madad se aap India me Bitcoin or Altcoin kharidoge.

India Top Bitcoin Exchange List 2021

1. ZebPay

Zebpay ek Indian Bitcoin exchange hai, jispar ham direct Indian Rupee (₹) se Bitcoin (BTC) le sakte hai.

Zebpay se Bitcoin lene ke liye sabse pehle aapko uspar apna account banana hoga, jo aap Niche di link par click karke bana sakte hai.

Account banane ke baad, EMail or Mobile number verify karna hota hai.. or uske baad KYC verify karke ham Bitcoin ko aasani se kharid sakte hai.

Sabse pehle aapko Apne Paise Zebpay account me transfer karna hoge jitne ke aap Bitcoin kharidna chahte hai.

Zebpay me Paise UPI, Direct Bank Transfer karke jama kar sakte hai.

Zebpay ko ham Web par ya Uska Mobile App Install karke bhi istmal kar sakte hai.

2. BitBNS

BitBNS ek Indian Crypto Currency exchange hai, jiski madad se aap India me badi aasani se Bitcoin kharid sakte hai or uski trading kar sakte hai.

BitBNS ek Trusted Exchange hai, or is par bharosa karne ka ek sabse bada maksad ye bhi hai ki ye IITians ne banaya hai.

BitBNS ko use karne ka ek acha karan ye bhi hai ki ispar P2P ki madad se bhi ham Bitcoin kharid or bech sakte hai, jisme Bitcoin Sell karne par Paise Direct hamari Bank account me aa jate hai.

BitBNS ko use karna bhi bahut aasan hai, simple ham apna account bana kar usko verify karna hota hai. uske baad apni Bank Details dalni hoti hai.

Ab jo bhi coin hame lena hai uski current rate me direct coin le sakte hai, ya jis rate me hame jitne Bitcoin chahiye uske trade open kar sakte hai. or jese hi wo kisi user se match hoti hai.

3. LocalBitcoins

Aap India me ho ya kisi dusri Country, ya aapko kisi bhi current ya tarike se Bitcoin lena hai to uske liye hai LocalBitcoins.

LocalBitcoins ek P2P Bitcoin exchange hai, jiski madad se aap duniya bhar me kahi bhi, kisi bhi Payment method se Bitcoin kharid ya bech sakte hai.

LocalBitcoins kya hai or ye kaise kaam karta hai, uski Detail me jankari mene pehle hi share ki hui hai, aap detail me waha dekh sakte hai.

Agar ham Baat kare India ki to jese UPI, Direct Bank Transfer, Phone Pe, Paytm, Google Pay, Paypal etc.. jitne bhi Online Payment karne ke tarike hai unse ham Bitcoin kharid sakte hai.

LocalBitcoins ko use karne ke liye sabse pehle uspar Account banaye, uske baad apni basic information dalkar Tier 1 Verify kare, jo aap 5 minute me kar sakte hai.

ab agar aapko Bitcoin kharidna hai, to jitne paise ke aapko bitcoin lena hai or jo bhi payment method aapko select karna hai wo karke search kare.

4. WazirX

WazirX ek Indian Crypto Exchange hai, yaha se aap Bitcoin ya dusre koi bhi Crypto Coins aasani se kharid sakte hai.

Wese to WazirX ek trusted or Popular Exchange hai India me, par iski Popularity thodi jab badh jati hai, jab iske sath naam judta hai Binance Exchange ka, jo Duniya ka ek Top Exchnage hai.. or unhone WazirX ko buy kar liya hai.

Matlab agar aapko Internationally Bitcoin ya Crypto Coins ki trading karni hai to aap Badi aasani se WazirX ki Indian Rupee ko BTC ya USD me convert karke Bianace par transfer kar sakte hai.

Binance Exchange ka Detail Review mene share kiya hua hai, aap usko yaha read kar sakte hai.

WazirX ko use karna dusre Populer Exchanges ki tarah aasan hai. Simple account bana kar usko verify karna hai uske baad aasani se ham Bitcoin USD ya dusre coin me usko convert kar sakte hai.

WazirX ko use karne ka ek fayda ye hai ki agar ham uspar Trading karte hai or usme Binance Coin BNS ka use karte hai to jo bhi Trading ka charge hai uska 50% hi lagta hai.

5. UnoCoin

UnoCoin ek Indian Crypto Exchange hai, jo ham keh sakte hai jab Bitcoin ka trend start hua jab se hai..

Agar India me Bitcoin kharidna hai to uska sabse aasan tarika yahi hai ki kisi trusted exchange par account banao, Document Upload karke Account Verify karo.. fir uske baad Indian Rupee ko Exchange par transfer karke Bitcoin kharid lo.

UnoCoin ko India me use karna aasan hai, Simple Aap Mobikwik wallet se bhi Unocoin me paise add kar sakte hai, jo iss process ko bhut aasan bana deta hai.

At Last:

Bitcoin ki jese jese kimate badti ja rahi hai, jada se jada log isme interest dikha rahe hai.. to agar aap bhi unn logo me se hai jo Bitcoin kharidna chate hai to aapko pata hona chahiye Bitcoin kya hai or kaise kaam karta hai. jo aap Sikke.in par sikh sakte hai.

mene jitne bhi exchange bataye hai, me aapko suggest karunga aap sabhi par apna account bana kar usko verify karke rakhe.. kyu ki bhut war aisa bhi ho jata hai ki agar hame turant Bitcoin kharidna ho ya sell karna ho to kisi site ka server down ho ya mentainance ke liye service kuch time band ho.

Niche comment me aap muje apna pasandida Crypto Exchange jarur bataye or ye bhi bataye ki aapko wo kyu jada pasand hai.