7 Best P2P Exchange for Bitcoin Buying [2021]

Bitcoin ko kharidna ho ya bechna ho, aaj ki date me bhut aasan hai.. ham jese cahe wese bitcoin ko kharid sakte hai..

Sikke.in par pehle hi ham best Exchanges ke ware me share kar chuke hai jaha se aap Bitcoin ko kharid sakte hai bina kisi pareshani ke..

Jitne bhi Centralized Exchanges hote hai wese to unme koi pareshani nahi, jo bhi unki Desosite Process hai wo follow karke aap aasani se Bitcoin ya dusre Altcoin kharid sakte hai, Par ye mene dekha hai ki jab bhi Market me koi bada uchal aata hai to bahut log ek sath Bitcoin kharidne ke liye Paise transfer karte hai Exchange me.. jiske karan hamare Paise ko Exchange me add hone me time lag jata hai.

Bahut war aesa bhi dekha gaya hai, Exchange ka jo account hai wo kisi karan se band ho jata hai, ya Temporary service me nahi rehta to aese time bhi hame dikkat hoti hai..

To inhi sabhi Problem ka solution hai P2P Exchange, jinki madad se ham jis trha se Bitcoin lena chahe le sakte hai.. Aap P2P ki madad se PhonePe, PayTM, UPI, Bank Transfer, Paypal etc.. kisi bhi tarike se Bitcoin kharid sakte hai.

P2P Exchange se Bitcoin kaise kharide, usse pehle chaliye jaan lete hai P2P hota kya hai or Kaise P2P kaam karta hai.. or fir ham janege kaise P2P se Bitcoin kharide or konse Best P2P Exchanges hai.

P2P Exchange kya hai

P2P ka matlab hota hai Peer to Peer

Matlab aap jo bhi Bitcoin P2P ke madhyam se kharide ge wo aap uss person se kharidege jo usko sell kar raha hai, na ke exchange se..

Simple sabdo me samje.. to maan lo aapko Bitcoin kharidna hai or mujhe Bitcoin sell karna hai.. to P2P me kya hota.. Aap mujhe mere Bank account me paise transfer karoge PhonePe, Paytm jese bhi.. uske baad me aapko Bitcoin Transfer kar duga.

Agar ham Direct kisi se koi chij le rahe hai, Specially Bitcoin to kya bharosa ki samne wala hamare sath koi fraud nahi karega.. uske liye ham P2P exchange ka use karte hai.. jo bhi ek trha se hamari deal karane me Help karte hai.

P2P Exchange Kaam kaise karte hai

Bitcoin ya to aap sell karenge ya Buy.. to aese me agar aap maan lo Bitcoin ko Sell karna cahte hai.. to aap P2P exchange par jayenge or waha apni Ad dalege ki muje itna Bitcoin iss kimat me sell karna hai…

Jitna bhi Bitcoin aapko Sell karna hai wo aapko P2P exchange me add karna hoga.. jisse Exchange ko ye conform ho sake ki aap jo Bitcoin sell karna chah rahe wo aapke pass hai.

Ab agar koi Buyer Bitcoin ko kharidna cahega.. or usko aapka rate sahi laga to wo aapke sath deal karega.. jisme jitne bhi rupee ke Bitcoin usko cahiye hoge wo aapke paas Transfer kar dega jo bhi option payment ke liye aapne select kiya hoga usme..

Jab aapke Paas Paise Bank me aa jayege, wo aap check karne ke baad Exchange par conform kar denge ki aapko payment mil gayi.. to jo Bitcoin aapke account me tha wo buyer ke account me chala jayega.

*Aapke mind me ye question bhi aa sakta hai, ki ase me agar hum kisi se Bitcoin kharid rahe or usko hamne paise transfer kare, uske baad wo hame Bitcoin send nahi kare too.. To iska Simple sa Answer hai aap Deal sirf Trusted Person se kare.. uske liye aap jab bhi deal kare to samne wale ne kitni deal ki hai or uski rating kitni hai wo jarur check kare.

To ummid hai ab aapko Clear ho gaya hoga, P2P Exchange kya hai or Kaise kaam karte hai, fir bhi agar aapka koi sawal hai to aap comment karke puch sakte hai.. mujhe aap ki Help karne me bahut khushi hogi.

Best P2P Exchange

Mene Research karne ke baad, 7 Best P2P exchange aapke liye select kiye hai jinka use karke aap badi aasani se Bitcoin ko jis bhi payment me sell karna chahe kar sakte hai.

Jitne bhi Exchange hai wo Best or secure hai, par aap use karne se pehle DYOR.

1. Paxful

Paxful 2015 me Start hua tha, ye Exchange sabki najro me hi P2P Trading ki baja se aaya tha.

Paxful ka jo interface hai wo bahut badiya hai, koi bhi naya user aasani se isko samaj sakta hai or use kar sakta hai.

Aap Paxful par Bitcoin kharidne ke liye Bank Transfer, CashU, PayPal, Western Union or Gift Cards ka use kar sakte hai.. iske sath sath jo Local Payment Apps hai jese PhonePe, Google Pay, Paytm ye bhi aap select kar sakte hai.

Bitcoin kharidna ho to simple jo bhi badiya saller aapko dikhe uske diye option par aap Paise transfer kare, uske baad thoda wait kare… wo apne Bank account me amount check karne ke baad BTC release kar dege jo aapke account me aa jayege.

Paxful ki fees 1% hai, par wo sirf aapse jab li jayegi jab aap Bitcoin ko sell kar rahe hai.. agar aap Bitcoin ko kharid rahe hai to uski koi fees nahi hai.

Ek baad ka dhyan rakhe, jab bhi kisi person ke sath Bitcoin ki deal kare.. to uski ID Verified ho or acchi rating ho.

2. LocalBitcoins

LocalBitcoins 2012 me start hua tha.. 2012 me start hua isse aap andaja laga sakte hai ki ye site kitni purani hai. jitne bhi Popular P2P Exchange ki List hai usme me Top par hi aata hai inki safety service ki baja se.

Agar aapko LocalBitcoins se Bitcoin ki deal karni hai to usse pehle aapko apna account verify karna hota hai, jisme aap ka Real Name or ID Verification hota hai. Iska Fayda ye hai ki koi aapke sath Fraud kare uske chance bahut kam ho jayege.

LocalBitcoins par Bitcoin ko kharidne ke liye har wo option uplabdh hai jo aapke mind me aa sakta hai.. Bank Transfer, UPI, PhonePe, Paytm, Cash Deposit, Paypal etc…

Local Bitcoins par agar aap Bitcoin ko kharidte hai ya Sell karte hai to uski koi fees nahi hai.. par agar aap LocalBitcoins par apna Ad Post karte hai to uska 1% fees aapko deni hogi.

Tip: Jab bhi Aap LocalBitcoins ya kisi bhi P2P Exchange ka use kare.. apne Bitcoin ko Exchange par sirf jab rakhe jab aapko usko sell karna ho.. Buy karne ke baad usko aap apne Wallet me rakhe (Hardware Wallet; Ledger Nano S), Kyu ki ye to aapko pata hona cahiye Agar aapke pass aapke coin ki Private key nahi to wo Bitcoin aapka nahi.

3. HODL HODL

HODL HODL ek Peer 2 Peer (P2P) exchange hai, or iss exchange ki jo sabse khas baat jo bahut logo ko attract karti hai wo hai ki ispar trade karne ke liye KYC ki jarurat nahi.

Ye Kuch Main feature HODL HODL Exchange ke:

• 0.3% Trading Fees
• Global P2P trades
• No KYC
• Non Custodial P2P Exchange
• Telegram Notification for Trades

ye Exchange unn logo ke liye best hai, jo apni Details ko nahi batana chahte. kuch log hote hai jinhe anonymous rehna pasand hota hai taki kisi ko pata naa chal sake ki unke paas itne BTC hai to aap HODL HODL ka use kar sakte hai.

4. Binance P2P

Binance Centralize Exchange me one of the Best Exchange hai.. jispar agar aapka account nahi hai to me aapko suggest karunga aap jarur bana kar rahe.

Binance Exchange kyu Duniya ka sabse Best Exchange hai or usko kaise use karna hai uske ware me aapko detail me Sikke.in par mil jayega.. usko jarur read kare.

Binance par aap Kisi bhi Crypto Currency ko kharid sakte hai or uski Trading bhi kar sakte hai.. Agar aap Trading karte hai to uske liye Liquidity bahut jaruri hoti hai or wo aapko Binance Exchange par sabse jada milegi.

Agar baat kare Binance P2P ki to aap Binance par USDT/BTC/BUSD/BNB/ETH/EOS ko kharid sakte hai.

Payment ke liye hame hamare Local options milte hai.. Jese mene UPI select kiya.. to usme me PhonePe ya dusre kisi bhi App se payment kar sakta hu.. or Bank Transfer ka bhi option milta hai.

Binance P2P ki ek baat or jo muje jada attract karti hai wo ye ki Binance P2P fee zero hai.

5. WazirX (India)

WazirX 2017 me start hua tha, or iss Exchange ko Promote karne ki jo Tag line hai wo bhi yahi hai ki ye sabse Trusted Indian Crypto Exchange hai.

WazirX ka jo interface hai wo bahut simple hai, jisko koi bhi aasani se use kar sakta hai.

WazirX ki jo P2P exchange ki sabse khas baat hai wo ye ki ye duniya ka sabse pehle auto-matching P2P Engine hai. Matlab jab bhi aap yaha se Bitcoin kharidege to automatic jo sabse best Price me Bitcoin sell kar rahe hoge unki detail aapke samne aa jayegi. uske baad aap paise transfer kar doge to Bitcoin aapke account me aa jayegi.

WazirX ki ek or Attract karne wali baat ye hai ki iski P2P Trading fees $0 hai..

or yahi khatam nahi hota.. jo muje WazirX par or jada Trust hai uska karan hai ki WazirX ko Binance ne Acquired kiya hai.

6. Remitano

Remitano is Singapore base Exchange hai jo 2015 me start hua hai.

Jab bhi ham Cryptocurrency ki service ke ware me sochte hai, to ye mind me jarur aata hai ki jo bhi Exchange hai jisko ham use karne wale hai unki history kesi hai or wo kitna purana hai.. Kyu ki agar koi naya Exchange hai to ham uspar utna trust nahi kar sakte.. Kya pata wo hamare Bitcoin lekar bhag jaye.

Remitano ki security ki agar baat ki jaye to muje baki jitne bhi P2P Exchange hai unke compare me iski sabse jada lagi.. issi ke sath inki jo customer care service hai wo bhi bahut badiya hai.

Agar baat kare Fees ki to iski 1% Trad ki fees hai or agar ham Bitcoin ko Exchange se transfer karte hai to 0.25% fees hai.

Dekha jaye to iski fees dsure P2P Exchange ke mukable thodi jada hai, par agar security ke nazariye se dekha jaye to koi jada nahi.

7. LocalCoinSwap

Local Coin Swap Exchange 2017 me start hua hai or ye Hong Kong me register hai.

Agar baat kare iss Exchange ki khass baat ki to ispar KYC karne ki jarurat nahi padti or ispar hame trade karne ke liye bahut sare payment option milte hai.

Agar aap kisi se Bitcoin kharid rahe hai or Bank Transfer kar rahe hai to ho sakta hai saller aapne ID Proof mage, par dekha jaye to ye Exchange ek badiya option hai agar aap apni Details share nahi karna chahte kisi exchange se.

Agar aap Bitcoin ko kharidte hai ya Sell karte hai to uski koi fees nahi hai, par agar aap Ad create karte hai to uska 1% aapko charge dena hoga.

Aap ye naa socho ki aapko 1% dena hoga.. Kyu ki aap Ad daal rahe hai to aap jo market rate hai usse 5% jada karke daal sakte hai jisse aapko acha khasa Profit ho sakta hai.

At Last:

muje ummid hai ab aap jaan chuke hoge, P2P kya hai or kaise aap Peer 2 Peer ki madad se badi aasani se Bitcoin ko kharid sakte hai or sell kar sakte hai.

Agar aapne aaj se pehle kabhi P2P trade nahi ki hai to me samaj sakta hu, ho sakta hai aapke dil me abhi thoda dar ho.. Me aapko suggest karunga aap jitne bhi P2P exchange mene bataye hai unpar account banaye.. or Starting me chote amount se Bitcoin ko kharid kar dekhe..

Jese aap Trade complete hogi, aapko bharosa ho jayega or aapka confidance bhi badh jayega..

P2P ki jo sabse best chij mujhe lagti hai wo ye ki ham Market Price par Bitcoin ko kharid kar usko 5% jada rate me bhi aasani se sell kar sakte hai.. kyu ki bahut se user hote hai jinko PhonePe, PayTM se Bitcoin kharidna hota hai or iska option Decentralized Exchange par nahi hota..

Ummid hai aapko P2P Trading se related puri jankari iss post me mil gayi hogi.. fir bhi agar aapka koi sawal hai wo aap comment karke puch sakte hai.. aapko ye jankari kesi lagi comment karke wo jarur bataye.

Cryptocurrency se related or bhi Jankari ke liye Sikke.in ko Bookmark me save kare 🙂